Domain Names - Register Domains

ازاي تصور الفضاء عن طريق تيليسكوب NASA

0 88

فيه على الانترنت “تليسكوب روبوتي” تابع ل ناسا بيصورلك صور من الفضاء مخصوص

ازاي يعني

يعني انت بتروح للموقع بتاع التليسكوب وتقوله انت عايز تصور ايه… كوكب بقا او مجره او مجموعه نجميه او حتى القمر
وبتحدد للتليسكوب ملابسات الصوره “حاجات كده اللي بيفهم في التصوير هايبقى عارفها انا مش فاهماها فبختار اي حاجه وخلاص ولو اختياري مش مناسب مبيقبلهوش ويقول اختار غيره “
بعد كده الموقع بيطلب منك تكتب ايميلك وفي خلال يوم او اتنين بتلاقي الصوره بتاعتك جاتلك على الايميل.

صوره حقيقيه ملتقطه علشانك انت بالطلب
والجميل انه الموقع بيوفرلك معلومات عن الصوره بتاعتك …
زي امتى التليسكوب صورهالك وحالة الجو كانت عامله ازاي والجسم ده بعيد عننا اد ايه.
وممكن جدا الصوره تيجي مهزوزه او مش واضحه فتقدر تطلبها تاني
والجميل برده انك عن طريق الموقع تقدر تقارن صورتك اللي اتصورت ليك مخصوص بالصور الي لقطتها تليسكوبات ناسا الضخمه زي هابل او شاندرا

مثلا ممكن تطلب صورة القمر يوميا او يوم ويوم ولما توصلك الصور كلها هايبقى عندك مجموعة صور كامله وحقيقيه ومتصوره ليك انت لمراحل القمر

اخيرا

ابعتولي صوركم
اعتقد انها حاجه جميله جدا للأولاد انهم يتعاملوا مع الموقع ويطلبوا الصور بنفسهم ويفهموا هما عملوا ايه

الرابط:

mo-www.cfa.harvard.edu/cgi-bin/OWN/Own.pl

طريقة استخدام الموقع كالتالي:

1- اول ما تخش عاللينك هتطلعلك الشاشة دي هتختار منها انت عايز تاخد صورة لايه بالظبط

2- هيجيلك خصائص الصورة هتختار منها اللي انت عايزه زي الصورة دي بعد كدا تدوس Continue

في الTime Exposure يفضل انك تختار 60 seconds عشان تكون الصورة فيها الوان اكتر

3- هتطلعلك الشاشة دي هتعبي فيها بياناتك و تدوس submit و هيبعتولك الصورة بعدها بيومين

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More